ABŞ-də orqan transplantasiyası nəticəsində quduzluğa yoluxan şəxs ölüb.
Demokratikmusavat.comxarici KİV-ə istinadla xəbər verir ki, Miçiqan Səhiyyə və İnsan Xidmətləri Departamentindən verilən məlumata görə, xəstə köçürülmüş orqan vasitəsilə quduzluğa yoluxub.
Şəxsiyyəti açıqlanmayan xəstə yanvar ayında vəfat edib. Xəstə Ohayo ştatındakı xəstəxanada orqan transplantasiyası əməliyyatından təxminən bir ay sonra dünyasını dəyişib.
Səlahiyyətlilər xəstənin kimliyini və hansı orqanın transplantasiya edildiyini açıqlamayıb.
Xəstəliklərə Nəzarət və Qarşısının Alınması Mərkəzləri (CDC) ilə işləyən Miçiqan və Ohayo səhiyyə şöbələri hadisəni araşdırıb. CDC-nin Quduzluq Laboratoriyası da diaqnozu təsdiqləyib.
Səhiyyə orqanları xəstə ilə təmasda olan bütün insanları, xüsusən də tibb işçilərini quduzluq riski baxımından qiymətləndirib. Zəruri hallarda təmasdan sonra qoruyucu tədbirlər görülüb.
Billurə Yunus
