ABŞ və Rusiya prezidentləri Donald Tramp və Vladimir Putin arasında qarşıdakı həftə telefon danışığı ola bilər.
APA-nın xəbərinə görə, Donald Tramp bunu “NBC News” telekanalına müsahibəsində bildirib.
ABŞ Prezidenti yaxın günlərdə rusiyalı həmkarı ilə telefon danışığı planlaşdırdığını söyləyib: “Bu həftə yenidən danışmağı planlaşdırırıq”.
Qeyd edək ki, martın 18-də ABŞ və Rusiya prezidentləri arasında telefon danışığı olub. Dövlət başçıları Ukrayna böhranının tənzimlənməsi, ABŞ-Rusiya münasibətlərinin normallaşması və Yaxın Şərqlə bağlı məsələləri müzakirə ediblər.
