Son günlərdə İranın valyuta bazarında ABŞ dollarının məzənnəsində əhəmiyyətli artım müşahidə olunmuşdur. 2025-ci ilin mart ayının sonlarında dolların qiyməti rekord səviyyəyə çataraq, 1 ABŞ dolları üçün 104,760 tümənə yüksəlmişdir.
KONKRET.az musavat.com-a istinadən xəbər verir ki, bu əvvəlki günlərlə müqayisədə 0,06% artım deməkdir.
Bu artımın əsas səbəbləri arasında iqtisadi sanksiyaların təsiri, xarici valyutaya olan tələbin artması və daxili iqtisadi qeyri-sabitlik göstərilir. Mütəxəssislər bildirirlər ki, valyuta bazarındakı bu cür dalğalanmalar ölkənin iqtisadi vəziyyətinə mənfi təsir göstərə bilər və inflyasiyanın artmasına səbəb ola bilər.
Son günlərdə minimum əməkhaqqının artırılması ilə bağlı qərar fəhlə sinfi üçün mühüm irəliləyiş kimi qiymətləndirilsə də, dollar məzənnəsinin rekord səviyyədə yüksəlməsi bu addımın təsirini kölgədə qoyub.
