Bakı, 1 aprel, AZƏRTAC
Minifutbol üzrə Azərbaycan çempionatının qalibi “Birbaşa Bakı” və gümüş mükafatçısı “Zirə”nin iştirak edəcəyi Çempionlar Liqasının (ÇL) hansı ölkədə keçiriləcəyi bəlli olub.
Azərbaycan Minifutbol Federasiyasından AZƏRTAC-a bildirilib ki, matçlar sentyabrın 17-dən 21-dək Bolqarıstanın paytaxtı Sofiya şəhərində olacaq.
ÇL-dən bir həftə sonra isə orada ölkəmizi Avropa Kubokunda “Aznur” təmsil edəcək.
Qeyd edək ki, Çempionlar Liqasının son qalibi “Birbaşa Bakı”dır.
