Ağdərədə tapılan insan skeletləri ilə bağlı YENİ DETALLAR

Ağdərə rayonunun Baş Güney kəndində insana məxsus olduğu ehtimal edilən skelet fraqmentlərindən biri götürülüb.

Bizim.Media xəbər verir ki, bu barədə "Report"a açıqlamasında şəhid Qurban Göyüşovun qardaşı Zahir Göyüşov məlumat verib.

Onun sözlərinə görə, qalıqları kənd sakinləri aşkarlayıb, daha sonra aidiyyəti qurumlar bu barədə məlumatlandırılıb:

"Ötən gün mənim də iştirakımla qardaşıma aid edildiyi ehtimal edilən qalıqlar prokurorluq tərəfindən götürüldü və ekspertizaya təhvil verildi".

Bizim.Media