İki İmişli məktəblisi Türk dünyasının ilk Beynəlxalq Riyaziyyat Olimpiadasının qalibi olub.
AzEdu.az xəbər verir ki, Mil-Muğan Regional Təhsil İdarəsindən "Azərbaycan müəllimi"nə verilən məlumata görə, olimpiadada iştirak etmiş İmişli şəhər Eldar İbrahimov adına 4 nömrəli tam orta məktəbin VI sinif şagirdləri Hüseyn Behbudov və Ümid Quluzadə bürünc medal qazanıblar.
Olimpiadanın məqsədi türk dünyası ölkələrində təhsil alan istedadlı şagirdləri üzə çıxararaq onları beynəlxalq arenada tanıtmaqdır.
