NATO ölkələrinin bir ilə istehsal etdiyi sursatı Rusiya cəmi üç aya istehsal edir.
7Times.az xəbər verir ki, bunu NATO-nun Baş katibi Mark Rütte “CBS” telekanalına verdiyi müsahibədə deyib.
Onun sözlərinə görə, Rusiya NATO-nun ümumi iqtisadiyyatının cəmi 5 faizini təşkil etsə də, sursat istehsalında üstünlük əldə edib.
“NATO-nun ümumi iqtisadi gücü Rusiyadan 20 dəfə böyükdür, lakin Rusiya bir ildə NATO-dan dörd dəfə çox sursat istehsal edir. Bu, tamamilə ağlasığmaz bir vəziyyətdir”, – deyə Rütte vurğulayıb.
