AFFA-nın təşkilatçılığı, UEFA-nın dəstəyi ilə Ağcabədi Olimpiya İdman Kompleksində keçirilən “D” kateqoriyalı məşqçi kursları davam edir.
Kursun ikinci günündə AFFA-nın məşqçi kurslarının təlimatçısı İlham Əzizzadə və Kütləvi Futbol Departamentinin rəhbəri Fərrux İsmayılov tərəfindən iştirakçılara “Kütləvi futbolda əsas prinsiplər”, “Məşq metodları”, “Məşqçi davranışları” və digər mövzulara dair örnəklər nümayiş etdirilib, onların müxtəlif prizmalardan geniş müzakirəsi aparılıb.
Kurs nəzəri və praktiki hissələrdən ibarət olmaqla keçirilib. 20 nəfərin qatıldığı kursa oktyabrın 18-də yekun vurulacaq.
