HƏMAS İsraillə mübadilə üçün 34 girovun siyahısını təsdiqləyib...
Poliqon xəbər verir ki, bu barədə Reuters Agentliyi məlumat yayıb.
“HƏMAS mümkün atəşkəs razılaşması çərçivəsində İsrail tərəfindən mübadilə üçün verilən 34 girovun siyahısını təsdiqləyib”, deyə Agentlik HƏMAS bürokratiyasındakı mənbəyə istinadən xəbər yayıb.
Eyni zamanda, HƏMAS-ın mənbəsi vurğulayıb ki, razılaşmanın bağlanması İsrail qoşunlarının Qəzza zolağından çıxarılması və daimi atəşkəslə bağlı razılığın əldə olunmasından asılıdır.
Xatırladaq ki, dekabrın 14-də HƏMAS məhbus mübadiləsi razılaşması əldə etmək istədiyini açıqladı. Bundan əvvəl əsirlərin mübadiləsi ilə bağlı danışıqlar 2024-cü ilin mayında dayandırılıb.
22 noyabr 2023-cü ildə İsrail və HƏMAS humanitar fasilə və bəzi girovların azad edilməsi barədə razılığa gəliblər. Noyabrın 24-də atəşkəs sazişi rəsmi olaraq qüvvəyə minib və dekabrın 1-də səhər saatlarında başa çatıb. Atəşkəsin bağlandığı bir həftə ərzində HƏMAS 110 girovu azad edib. Daha SONRA heç bir mübadilə aparılmayıb.
Poliqon.info
