İsrail 40 gün ərzində Livanla atəşkəs rejimini 392 dəfə pozub.
"Cebheinfo.az" xəbər verir ki, İsrail ordusu noyabrın 27-də Livanla əldə etdiyi atəşkəsi 40-cı günündə 9 dəfə pozub.
İsrailin 27 noyabrdan bəri törətdiyi qanun pozuntularının sayı 392-yə yüksələrkən, bu hücumlarda 33 nəfər ölüb, 37 nəfər yaralanıb.
Livanın NNA xəbər agentliyinin məlumatına görə, İsrail ordusu Livanın cənubundakı Sur və Nəbatiyədə atəşkəsin 40-cı günündə öz pozuntularını törədib.
İsrail ordusuna məxsus buldozerlərin Sur şəhərinin Ed-Dhayra qəsəbəsinin ətrafını qazdığı görülüb. İsrail ordusu Dihayra və Tayr Haraf qəsəbələrini hədəfə alıb.
İsrail ordusuna aid pilotsuz təyyarənin Sur şəhəri və ətrafında alçaq hündürlükdə uçduğu görüntülənib.
İsrail ordusu Aytarun şəhəri ətrafında, Şihhin, Əl-Cabin və Tayr Harfa şəhərləri arasındakı ərazidə və Nakura şəhərinin Hamul bölgəsində evləri buldozerlərlə partladıb və dağıdıb.
Nəbatiyə şəhərinin Et-Taybe qəsəbəsində İsrail ordusu bir çox evi yandıraraq, partladıb. İsrail ordusu Taybe qəsəbəsində orta və ağır çaplı silahlardan atəş açıb və qəsəbədə partlayış səsləri eşidilib.
Livan Səhiyyə Nazirliyinin məlumatına görə, 2023-cü il oktyabrın 8-dən bu yana 1106-sı qadın və uşaq, 222-si tibb işçisi olmaqla, ən azı 4 min nəfər ölüb, 16 mindən çox insan isə yaralanıb.
