Elektron qandalla bir il ev dustaqlığına məhkum edilən sabiq Fransa prezidenti Sarkozinin korrupsiyada ittiham olunduğu "Liviya pulu" işi üzrə məhkəmənin bu gün başlayacağı açıqlanıb.
“Cebheinfo.az” xəbər verir ki, Sarkozi seçki kampaniyasını maliyyələşdirmək üçün Liviyanın keçmiş lideri Müəmmər Qəddafidən qeyri-qanuni maliyyə dəstəyi almaqda ittiham olunur.
On ildən artıqdır davam edən təhqiqatdan sonra keçmiş prezident Sarkozinin və 3-ü keçmiş nazir də daxil olmaqla 12 nəfərin “korrupsiya müqaviləsi” bağlamaqda ittiham olunduğu iddia edilib.
Liviyadakı Qəddafi administrasiyası bu gün Paris Cinayət Məhkəməsində dinləniləcək.
Sarkozinin 2007-ci ildə keçirilən prezident seçkilərini Liviyadan qeyri-qanuni yollarla əldə etdiyi pullarla maliyyələşdirdiyinə dair iddialara baxılacaq məhkəmənin təxminən 3 ay davam edəcəyi gözlənilir.
Bildirilir ki, Sarkozinin təqsiri sübuta yetirilərsə, 10 ilə qədər həbs cəzası ala bilər.
2007-2012-ci illərdə Fransa prezidenti olmuş Sarkozi ona qarşı irəli sürülən ittihamları rədd edir.
Dekabrda Sarkozi korrupsiya ittihamı ilə mühakimə olunduğu "telsiz dinləmə" işi üzrə bir il ev dustaqlığına məhkum edilib.
Sarkozinin 1 illik həbs cəzasını elektron qolbaqla evində çəkməsi və 3 il seçilmək hüququndan məhrum edilməsi barədə qərar çıxarılıb.
2007-2012-ci illərdə Fransa prezidenti olmuş Sarkozinin "2007-ci ildə prezident seçkiləri kampaniyasını aparmaq üçün Liviyanın o vaxtkı lideri Müəmmər Qəddafidən qeyri-qanuni maliyyə dəstəyi aldığı və kampaniyanı bu dəstəklə apardığı" iddia edilir.
Sarkozinin 2006-cı ilin sonu və 2007-ci ilin əvvəllərində seçki kampaniyası zamanı Liviya administrasiyasından 50 milyon avro aldığı iddia edilir.
İddialardan sonra 2013-cü ildə baş vermiş hadisə ilə bağlı ilkin araşdırma aparılıb.
Sarkozi 2018-ci il martın 21-də Parisdə saxlanılıb və ona qarşı "seçki kampaniyasının qeyri-qanuni maliyyələşdirilməsi, korrupsiya və Liviya dövlət vəsaitlərinin gizlədilməsi" iddiaları ilə istintaq başlayıb.
Digər tərəfdən, Liviya işində şahid olan fransız-livan əsilli iş adamı Ziad Takieddinenin 2006-cı ilin sonlarında Liviyadan Sarkoziyə 5 milyon avro gətirdiyi iddia edilir.
İş adamı Takieddine əvvəlcə Sarkozinin Liviyadan maliyyə aldığını iddia etsə də, 2020-ci ildə açıqlamalarını dəyişərək bunun əksini iddia edib.
