Əlverişsiz hava şəraiti səbəbindən Böyük Britaniyada yüzlərlə məktəb tətildən sonrakı ilk gündə tamamilə və ya qismən bağlanıb. Bu barədə "Sky News" kanalı dövlət rayonlarının şəhər şuralarına istinadən məlumat yayıb.Məlumatda Bredfordda 175, Lidsdə isə 100-ə yaxın məktəbin bağlandığını və ya açılmasının gecikdiyi qeyd edilib.Bundan əlavə, Şimali Yorkşirdə 11 təhsil müəssisəsi bağlanıb, Lankşirdə isə daha 50 məktəbin ya açılmayacağı, ya da gec açılacağı bildirilib.Xatırladaq ki, bir gün əvvəl "Sky News" xəbər vermişdi ki, Böyük Britaniyanın bir neçə hava limanı güclü qar yağması səbəbindən uçuşların qəbulu və buraxılmasına məhdudiyyətlər tətbiq edib. Belə ki, məhdudiyyətlər Mançester, Liverpul və Lids-Bredford hava limanlarına təsir edib.
