Amerikalı iş adamı İlon Maskın müxalif partiyaları dəstəkləyən tənqidi yazıları Avropada böyük əks-səda doğurub.
AZXEBER.COM Qərb mediasına istinadən xəbər verir ki, dünya liderləri tanınmış milyarderi seçkilərə və ölkələrin daxili işlərinə müdaxilə etməkdə ittiham ediblər.
Sosial media hesabındakı paylaşımında \"Yalnız AfD Almaniyanı xilas edə bilər\" ifadəsini paylaşan Mask daha sonra bu fikrini daha da xırdalayıb.
Axel Springer media qrupuna məxsus \"Welt am Sonntag\" qəzetində qonaq köşə yazarı kimi yazdığı məqalədə Mask ifrat sağçı partiyanı dəstəklədiyini bildirib və \"Almaniya üçün son ümid qığılcımdır\" kimi diqqətçəkən fikir səsləndirib.
Mask həmçinin prezident Frank-Volter Ştaynmayeri sərt şəkildə tənqid edərək onu \"anti-demokratik tiran\" adlandırıb.
Avropada bəziləri bu canlı yayımın dezinformasiya yaratmaqla seçicilərə təsir edə biləcəyi fikrini bölüşsə də, Avropa İttifaqı (Aİ) Komissiyası bir platforma sahibinə və ya başqasına canlı yayıma ev sahibliyi etmək və şəxsi fikirlərini bildirmək qadağan edilə bilməz deyib.
Digər tərəfdən, AB Komissiyasının sözçüsü Tomas Regnier canlı yayımın izləniləcəyini və bunun seçki bütövlüyünə təhlükə yaradan bir şəkildə istifadə edilib-edilməməsinin və Rəqəmsal Xidmətlər Qanununun (DSA) olub-olmamasının araşdırılacağını söyləyib.
Regnier bildirib ki, canlı yayımın məzmununda hər hansı qayda pozuntusu varsa, bu, davam edən istintaqa daxil ediləcək.
Almaniya kansleri Olaf Şoltz Maskı tənqid edərək \"Almaniyada gələcəkdə nə olacağını vətəndaşlar müəyyən edəcək və sosial media sahibləri buna qərar verə bilməzlər” deyə vurğulayıb.
Almaniya hökumət sözçüsü Kristian Hoffmann da Maskı Bundestaq seçkilərinə təsir etmək cəhdində günahlandırıb, Almaniya kanslerinin müavini və İqtisadiyyat və İqlim Mühafizəsi Naziri Robert Habeck də Maskın AfD-yə dəstəyinin məlumatsızlıqdan qaynaqlandığını deyib.
Maskın bir çox mövzuda İngiltərəni hədəf alan son yazıları, xüsusən də İngiltərənin Baş naziri Keir Starmer və hakim İşçi Partiyası da geniş işıqlandırılıb.
Mask İngiltərənin aparıcı ifrat sağçı qruplarından biri olan və həbs cəzasına məhkum edilmiş İngiltərə Müdafiə Liqasının keçmiş lideri Tommi Robinsonun azadlığa buraxılmasını istəyib və onun siyasi məhbus olduğunu iddia edib.
İngiltərə Baş naziri Starmer Maskı yalan və dezinformasiya yaymaqda günahlandırıb.
Britaniya parlamentindəki Liberal Demokratlar Partiyasının lideri Ed Davey Maskın ölkəsinin demokratiyası haqqında heç bir məlumatı olmadığı halda müdaxilə etdiyini bildirərək, ABŞ-nin Londondakı səfiri Ceyn Hartlinin XİN-ə çağırılmasını istəyib.
Fransa prezidenti Emmanuel Makron Maskı seçkilərə müdaxilə etməkdə günahlandıraraq bir sosial media sahibinin seçkilərə müdaxilə etməsinin görünməmiş bir vəziyyət olduğunu dilə gətirib.
Norveçin baş naziri Jonas Gahr Stoere də amerikalı milyarderin ABŞ-dən başqa ölkələrin siyasi məsələlərinə qarışmasının narahatlıq doğurduğunu bildirib və o, Maskın ölkəsi ilə bağlı açıqlama verəcəyi təqdirdə Norveç siyasətçilərinin sağlam düşüncə ilə davranacaqlarına və mübahisələrdən uzaq duracaqlarına ümid etdiyini deyib.
