1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Helsinkinin Moskva tərəfindən potensial təhdidlərlə bağlı narahatlıqları səbəbindən Finlandiya-Rusiya sərhədi yaxın perspektivdə hələ bağlı qalacaq.
Oxu.Az-ın verdiyi məlumata görə, bu barədə Finlandiyanın Baş naziri Petteri Orpo jurnalistlərlə söhbətində bildirib.
Hökumət başçısının sözlərinə görə, təhdidlərin qiymətləndirilməsi dəyişməyib - Rusiyanın hərəkətləri dəyişmir. Onun sözlərinə görə, nəzarət-buraxılış məntəqələri açılarsa, Rusiya etibarlı səyahət sənədləri olmayan insanları sərhəddən buraxaraq Finlandiya üçün əlavə risklər yarada bilər.
"Məhz buna görə də sərhədi indi, hətta eksperimental qaydada belə açmaq mümkün deyil", - deyə baş nazir vurğulayıb.
Xatırladaq ki, 2023-cü ilin noyabrında Finlandiya hökuməti Rusiya ilə sərhəddə avtomobil keçid məntəqələrini bağlamaq qərarına gəlib. Rəsmi səbəb üçüncü ölkələrdən qaçqınların nəzarətsiz axını olub.
