ABŞ-ın 39-cu prezidenti Cimmi Karterin dəfn mərasimi cümə axşamı Plains şəhərində (Corciya) keçirilib. Mərasim ictimaiyyət üçün qapalı olub. AFN.az xəbər verir ki, bu barədə "Associated Press" məlumat yayıb.Cimmi Karter Karter ailəsinin malikanəsində həyat yoldaşı Rosalinin yanında dəfn edilib. Keçmiş birinci xanım 2023-cü ildə 96 yaşında vəfat edib.Dəfndən əvvəl Vaşinqton Katedralində anım mərasimi keçirilib və bundan sonra yerli vaxtla saat 15:30-da Karterin tabutu xüsusi reyslə Corciyadakı Fort Mur Hərbi Hava Qüvvələri bazasına aparılıb. Hərbi orkestrin musiqisi və 21 silahlı salam sədaları altında kortej və cənazə maşını Plains Baptist Kilsəsinə doğru yola düşüb. Orada yalnız ailə üzvlərinin və az sayda dəvət olunmuş qonaqların iştirak etdiyi qapalı, qısa bir anım mərasimi keçirilib.Mərasimdən sonra keçmiş Amerika liderinin tabutu yenidən cənazə maşınına qoyularaq Karterin malikanəsinə aparılıb. Kortecin keçdiyi yolda insanlar eks-prezidenti son səfərinə yola salmaq üçün növbəyə düzülüblər.
