İranın Simnan şəhərinin həbsxanasında saxlanılan İsveçrə vətəndaşı intihar edib.
Bu barədə İran məhkəmə sistemnə bağlı "Mizan" saytı məlumat yayıb.
Məlumata görə, casusluq ittihamı ilə həbs edilən İsveçrə vətəndaşı Simnan həbsxanasında intihar edib. Onu xilas etmək cəhdləri nəticə verməyib.
İsveçrə vətəndaşının kimliyi, həbs olunma vaxtı və ölüm şəraiti ilə bağlı rəsmi açıqlama yoxdur.
İsveçrənin Xarici İşlər Nazirliyinin sözçüsü Piyer Alen Eltşinger məlumatı təsdiqləsə də, əlavə açıqlama verməyib.
"İsveçrənin Tehrandakı səfirliyi İsveçrə vətəndaşının İran həbsxanasında ölümünün hansı şəraitdə baş verdiyini aydınlaşdırmaq üçün yerli hakimiyyət orqanları ilə əlaqə saxlayır",- o bildirib.
visiontv.az
