“Kəpəz” qış transfer dövründə heyətinə yeni futbolçu cəlb edib.
Fanat.Az xəbər verir ki, Gəncə klubu gürcüstanlı Rati Ardazişvili ilə münasibətlərini rəsmiləşdirib.
Məlumatı klubun mətbuat xidməti yayıb.
26 yaşlı yarımmüdafiəçi ilə "6 ay + 1 il" müddətinə müqavilə bağlanıb.
Ratinin son klubu vətənində "Samtredia" olub. Gürcüstanın aşağı yaş qrupları üzrə yığma komandalarının, o cümlədən U-21 millisinin şərəfini qorumuş futbolçu bir neçə ölkədə legioner həyatı yaşayıb. O, Ukraynada ("Rux"), Qazaxıstanda ("Kaspi", "Jetısu") və Latviyada ("Liepaya") oynayıb.
Qeyd edək ki, Rati Ardazişvilinin "Kəpəz"ə keçəcəyini ictimaiyyətə ilk olaraq Fanat.Az çatdırıb.
