Yaponiya dünyanın ən yaşlı əhalisinə malikdir. Belə ki, ölkə əhalinin üçdə biri 65 yaşdan, hər on nəfərdən biri isə 80 yaşdan yuxarıdır. Bu, aşağı doğum səviyyəsi və yüksək ömür uzunluğunun birləşməsi ilə bağlıdır. Nəticədə 15-64 yaş arasında olan əmək qabiliyyətli əhalinin sayı azalır. Proqnozlara görə, bu rəqəm 2020-dən 2070-ə qədər 30 milyon nəfər azalacaq.
Musavat.com CNN-ə istinadən xəbər verir ki, bu problem xüsusilə kənd təsərrüfatında daha kəskindir.
Yaponiyanın Kənd Təsərrüfatı, Meşə və Balıqçılıq Nazirliyinin məlumatına görə, 2000-2023-cü illər arasında əsasən kənd təsərrüfatında işləyənlərin sayı iki dəfə azalıb və 60 yaşınadək olanlar ümumi əhalinin yalnız 20%-ni təşkil edir.
Bu çatışmazlığı aradan qaldırmaq üçün ölkə daha yumşaq immiqrasiya və doğum siyasətləri ilə yanaşı, işçi qüvvəsini artırmaq üçün robot texnologiyasına da üstünlük verir. 2021-ci ildə hələ tələbə olarkən Tamir Blum "Kisui Tech" şirkətini təsis edib və bu şirkət kosmosun tədqiqat texnologiyalarını istifadə edərək süni intellektli kənd təsərrüfatı robotu hazırlayır.
Tokio yaxınlığında yerləşən Çiba Universitetinin Kənd Təsərrüfatı Departamenti ilə əməkdaşlıq çərçivəsində "Kisui Tech" şirkəti iki modeldən ibarət olan "Adam" adlı robot köməkçisinin iki modelini, tam ölçülü versiyasını və mini versiyasını hazırlayır. Robotlar Yaponiyanın müxtəlif fermalarında real şəraitdə sınaqdan keçirilir. Böyük ölçülü "Adam" 70 sm hündürlükdə və 188 sm uzunluqdadır. O, əsasən alma və armud yetişdirən fermerlər üçün nəzərdə tutulub, məhsulların və ya gübrələrin daşınması üçün geniş yük bölməsinə malikdir. Daha kiçik ölçülü "Adam" isə daha dar cərgələrdə əkilən üzüm və xurma yetişdirilməsi üçün hazırlanıb.
Bundan əlavə, şirkət fermerlərə əkin sahələri, xəstəliklər və təsərrüfat idarəçiliyi barədə real vaxt rejimində məlumat verən "Newton" adlı onlayn platforma hazırlayır. "Adam" robotlarının beynəlxalq bazarlarda təxminən 20.000 dollara satacağı gözlənilir.
Musavat.com
