İngiltərənin “Mançester Siti” futbol klubunun sabiq müdafiəçisi və baş məşqçisi Toni Buk 91 yaşında vəfat edib.
“Qafqazinfo” xəbər verir ki, bu barədə “Mançester Siti”nin mətbuat xidməti məlumat yayıb.
Ölümün səbəbləri barədə məlumat verilməyib.
“Mançester Siti”nin keçmiş kapitanı və meneceri Toni Bukun vəfat etdiyini böyük kədər və ürək ağrısı ilə elan edirik”, - klubun açıqlamasında deyilir.
Qeyd edək ki, Buk 1966-1974-cü illərdə “Mançester Siti”də çıxış edib, klubda 315 oyun keçirib və 5 qol vurub. Müdafiəçi “Mançester Siti” ilə birlikdə İngiltərə çempionu (1967/68 mövsümü), İngiltərə kubokunun (1968/69) və Superkubokunun (1968, 1972), Liqa Kubokunun (1969/70) qalibi olub. O, “Toronto”, “Bath City” və “Plymouth Argyle” üçün də oynadı. Buk baş məşqçi kimi “Mançester Siti”ni Liqa Kubokunda qələbəyə aparıb (1975/76).
