Sudanın paytaxtı Xartumun qərbində yerləşən Umdurman bölgəsində “təsadüfi artilleriya atəşi” nəticəsində 120 nəfərin həyatını itirdiyi bildirilib.
Aktivlərdən ibarət Umbedda Təcili Yardım otağından verilən açıqlamada dünən axşam saatlarında Umdurmanın Darüssəlam bölgəsinin bombardman edildiyi bildirilib.

İlkin məlumatlara görə, 120 mülki şəxs həyatını itirib, çoxlu sayda insan isə yaralanıb.

Açıqlamada o da qeyd olunub ki, ilkin tibbi yardım vasitələri ilə bağlı tibbi ləvazimatların təchizatında ciddi problem var.

Top güllələrinin kim tərəfindən atıldığı barədə məlumat paylaşılmayıb.


SUDANDA MÜHARİBƏ

Sudanda 2023-cü il aprelin 15-dən bəri ordu ilə bir vaxtlar ona bağlı olan Sürətli Dəstək Qüvvələri (HDK) arasında hərbi islahatlar və inteqrasiya kimi məsələlərdə fikir ayrılıqları səbəbindən qarşıdurmalar yaşanır.

Bu müharibəni sona çatdırmaq üçün başlayan bütün həll cəhdləri uğursuz oldu.

BMT-nin məlumatına görə, dünyanın ən böyük köçkünlük və aclıq böhranının yaşandığı Sudanda qarşıdurmalar nəticəsində 20 mindən çox insan həyatını itirib.

2023-cü ilin aprelində müharibə başlayandan bəri ölkəni tərk edənlərin sayı 3 milyonu ötüb, 9 milyona yaxın insan isə ölkə daxilində didərgin düşüb. 25 milyondan çox insanın humanitar yardıma ehtiyacı var.

aia.az
Tərcümə şöbəsi

• Sudan
• Ölü
• Bombardman