Sosial şəbəkələrdə yayılan dəhşətli görüntülər ananın azyaşlı qızına qarşı qeyri-insani davranışını ortaya çıxarıb.
News24.az xəbər verir ki, Hondurasın Markoviya şəhərində yaşayan 3 uşaq anası Darlin Peres 3 yaşlı qızını yandırmağa çalışarkən görüntülənib.
Evlərinin mətbəxində baş verən hadisədə Peres alışqanını kiçik qızına tuşlayıb, uşağın isə “Yox” deyə, qışqırması eşidilir. Ana ağlayan övladını hədələyib və onu iki dəfə şillələyib. Perezin bu qorxulu anları lentə alan şəxsin telefonuna da zərbə vurması onun psixi vəziyyətinin qeyri-sabit olduğuna dair şübhələr yaradıb.
Görüntülər sosial mediada yayıldıqdan sonra polis hərəkətə keçib və Peresi saxlayıb. Polis bölməsinə aparılarkən mətbuat mənsublarının suallarını cavablandıran ana göz yaşları içində peşman olduğunu bildirib.
İstintaq çərçivəsində Peresin üç övladı - zərərçəkmiş 3 yaşlı qız və 1-6 yaşlı digər iki bacısı dövlət himayəsinə verilib.
Uşağa ağır zo*rakılıq ittiham edilərək həbs edilən ananın məhkəməsi davam edir.
Aynurə
