Demokrat.az xəbər verir ki, bu barədə Müdafiə Nazirliyi məlumat yayıb.
Bildirilib ki, ən azı ümumi orta təhsilli, qanunla müəyyənləşdirilmiş müddətli həqiqi hərbi xidmətini başa vurmuş, 30 yaşınadək hərbi vəzifəlilər 15 yanvar 2025-ci il tarixdən 15 fevral 2025-ci il tarixədək Əlahiddə Ümumqoşun Ordunun Təlim və Tədris Mərkəzidə fəaliyyət göstərən qəbul komissiyasına müraciət edə bilərlər.
“Müddətdən artıq həqiqi hərbi xidmət hərbi qulluqçularının hazırlığı kursu”na qəbul olunmaq üçün müraciət etmiş vətəndaşlar qəbul komissiyası tərəfindən hərbi xidmətə yararlılıq dərəcələrinin müəyyən edilməsi məqsədi ilə Əlahiddə Ümumqoşun Ordunun müvafiq tibb müəssisələrinə göndərilir. Hərbi Həkim Komissiyalarının qərarına əsasən hərbi xidmətə yararlı hesab edilmiş şəxslər qəbul imtahanlarına buraxılır.
Fiziki hazırlığı, ümumi bilik səviyyəsi, düşünmə qabiliyyəti, peşə maraqları, ünsiyyət qurmaq, liderlik və qərar qəbuletmə bacarıqları, həmçinin fərdi-psixoloji və digər keyfiyyətlərinin öyrənilməsi məqsədilə keçirilən imtahanları müvəffəqiyyətlə vermiş namizədlər kursa qəbul edilir.
Kursu müvəffəqiyyətlə başa vuran şəxslərlə bağlaşma imzalanır və onlar ixtisaslarına uyğun müvafiq vəzifələrə təyin olunur.
Namizədlər qəbul komissiyasına müraciət edərkən ilkin olaraq aşağıdakı sənədləri təqdim etməlidir:
- Təhsil haqqında sənəd
- Hərbi bilet
- Şəxsiyyət vəsiqəsi
Sənədlərin qəbulu həyata keçiriləcək ünvan: Naxçıvan Muxtar Respublikası Naxçıvan șəhəri, 1 nömrəli hərbi şəhərcik (Əlahiddə Ümumqoşun Ordunun Təlim və Tədris Mərkəzi).
Müraciət etmə vaxtı: Qeyd olunmuş tarixlərdə saat 09:00-dan 17:00-dək (șənbə və bazar günləri istisna olmaqla).
Müddətdən artıq həqiqi hərbi xidmətdən “Hərbi xidmətkeçmə haqqında” Əsasnamənin 156-cı maddəsinin “e” bəndinə (xidməti uyğunsuzluğa görə) müvafiq olaraq ehtiyata buraxılmış hərbi qulluqçuların və məhkumluğunun ödənilməsindən asılı olmayaraq məhkum olunmuş hərbi vəzifəlilərin kursa qəbul üçün müraciət etməmələri xahiş olunub.
10Mənbələr
-
ulusum.azMAXE olmaq istəyənlərin nəzərinə! ( 14810147)
-
cebheinfo.azƏlahiddə Ümumqoşun Orduya MAXE qəbulu elan edilib ( 14806991)
-
operativmm.azƏlahiddə Ümumqoşun Orduya MAXE qəbulu elan edilib ( 14806951)
-
news24.azMAXE olmaq istəyənlərin nəzərinə! ( 14806819)
-
tribunainfo.azƏlahiddə Ümumqoşun Orduya MAXE qəbulu elan edilib ( 14806575)
-
hafta.azƏÜO müddətdən artıq həqiqi hərbi xidmət keçmək istəyənlərin qəbulunu elan edir ( 14806513)
-
moderator.azƏlahiddə Ümumqoşun Orduya MAXE qəbulu elan edildi - FOTO ( 14806369)
-
herbiand.azƏÜO müddətdən artıq həqiqi hərbi xidmət keçmək istəyənlərin qəbulunu elan edir ( 14806319)
-
turkustan.azNaxçıvanda MAXE işləmək istəyənlərin NƏZƏRİNƏ ( 14806225)
-
gundem.azOrduda çalışmaq istəyənlərin nəzərinə! ( 14806109)
