Böyük Britaniya Ukraynaya illik 3,6 milyard dollar hərbi yardım ayıracaq. AFN.az UNİAN-a istinadən xəbər verir ki, bu barədə Ukrayna prezidenti Vladimir Zelenski Böyük Britaniyanın baş naziri Key Starmerin Kiyevə səfərindən sonra keçirilən mətbuat konfransında bildirib. “Biz Ukraynaya ehtiyac olduğu müddətcə ən azı 3,6 milyard dollarlıq illik hərbi yardım haqqında razılığa gəlmişik" - deyə Zelenski qeyd edib.Oun sözlərinə görə, Ukrayna dondurulmuş Rusiya aktivlərindən əldə edilən vəsaitlə birlikdə 2025-ci ildə Londondan ümumi məbləği 6,6 milyard dollar olan yardım alacağını gözləyir.
