Bakı, 24 yanvar, AZƏRTAC
Hindistanın qərbindəki Maharaştra ştatında hərbi sursat fabrikində baş vermiş güclü partlayış nəticəsində azı səkkiz nəfər ölüb, yeddi nəfər yaralanıb.
AZƏRTAC Sinxua agentliyinə istinadla xəbər verir ki, dağıntılar arxasında qalanların xilas edilməsi üçün hadisə yerinə dərhal fövqəladə hallar xidmətinin qüvvələri göndərilib. Bildirilib ki, partlayışın səsi 5 kilometr radiusdan eşidilib.
Təhlükəsizlik qüvvələri partlayışın başvermə səbəblərini araşdırırlar.
