Kaliforniyadakı Santa Barbara Universitetinin professoru Ken Makdonald “DailyMail”-ə bildirib ki, Afrika qitəsi ildə təxminən 1,30 sm sürətlə böyüyən çatla əlaqədar 1-5 milyon il ərzində ikiyə bölünəcək və Yer kürəsində altıncı okean yaranacaq.
2005-ci ildə Efiopiyada böyük bir çat meydana gəlib. Onun uzunluğu bu gün 56 kilometrdir və daim artır. Gələcəkdə Afrikanın bütün şərq hissəsi əsas qitədən ayrılmalıdır. Əvvəlcə elm adamları fəlakətin on milyonlarla ildən sonra baş verəcəyini güman edirdilər, lakin yeni məlumatlar vaxtı dəyişdi. Mütəxəssislər indi parçalanmanın 1-5 milyon ildən gec olmayaraq baş verəcəyinə əmindirlər, “Daily Mail” xəbər verir.
Vaxt keçdikcə Hind okeanının suları Somali, Keniya, Tanzaniya və Efiopiyanın bir hissəsinin yerləşdiyi əraziləri Afrikadan ayıracaq çata nüfuz edəcək. Elm adamları daha əvvəl yeni qitəni Nubia adlandırmışdılar.
Bundan əlavə, professor qeyd edib ki, Hind okeanının suları indiki “Şərqi Afrika Rift Vadisi”ni su basa bilər, sonra isə Atlantik qədər dərinləşə biləcək yeni okean peyda olacaq. Makdonald, insanların "okeanın işğalını" fərq etməyəcəklərini, lakin zəlzələləri hiss edəcəklərini və vulkan püskürmələrini görəcəklərini də vurğuladı.
Almaz Həsənli
