AZ
Mövzular
Siyasət
24.01.2025 ◦ 17:54

Ermənistanın Avropa İttifaqına üzvlüyü nə üçün real görünmür? — AÇIQLAMA

“Ermənistan Avropa İttifaqına üzvlüyü real məsələ deyil. Nəzərə almaq lazımdır ki, Aİ-yə üzvlük məsələsində ciddi prosedurlar mövcuddur. Aİ bu günə qədər Gürcüstan, Türkiyə və Ukraynanı üzvlük məsələsində aldatmağa çalışıb. Amerika Ermənistana dəstək verməsi, Blinkenin strateji müttəfiqlik xartiyası imzalaması, Aİ mülki missiyası adı altında Ermənistanda Qərb cəsus şəbəkələrinin at oynatması indiki mərhələdə üzvlüyün real fakt olmasını düşündürmür”. 

Bu sözləri Demokrat.az-a açıqlamasında politoloq Tural İsmayılov deyib.

“Digər yandan bu gün Ermənistan Kollektiv Təhlükəsizlik Müqaviləsi Təşkilatının üzvüdür. Ermənistan həmçinin Rusiyanın rəhbərliyi altındaki digər siyasi iqtisadi təşkilatlarda, Avrasiya İqtisadi İttifaqında təmsil olunur. Belə bir ölkənin Avropa İttifaqına üzvlüyü mümkün deyil. Ermənistanın Avropa İttifaqına üzvlüyünə əngəl olan bir xeyli prosedurlar var. Bu Qərbin riyakarlığıdır. Onlar Ermənistanı addım-addım Avropa İttifaqına yaxınlaşdırsa da, praktikada bunu gerçəkləşdirmək ciddi və çətin məsələdir. Əslində Paşinyan da anlayır ki, heç kim Ermənistanın Aİ-yə üzvlüyünü dəstəkləməyəcək. Ola bilsin önümüzdəki seçkilərə qədər Paşinyan öz əlini gücləndirmək istəyir. Qərbdəki sponsorları və dəstəkçiləri Paşinyana müəyyən vədlər verilib ki, o da bu vədlər fonunda Ermənistan ictimai rəyini çaşdırmağa çalışır”.

Əfsanə Kamal
Demokrat.az
Seçilən
16
50
demokrat.az

10Mənbələr