"Zenit"in yarımmüdafiəçisi Arturun "Botafoqo"ya keçidi rəsmiləşib.
90deqiqe.Az xəbər verir ki, bu barədə Braziliya klubunun mətbuat xidməti məlumat yayıb.
26 yaşlı futbolçu ilə 2029-cu ilin sonuna qədər müqavilə imzalanıb.
Qeyd edək ki, "Zenit" bir neçə gün əvvəl Arturun gedişini açıqlamışdı. Futbolçu bir il Sankt-Peterburq komandasında keçirib və bu müddət ərzində 36 rəsmi oyun keçirib, 7 qol vurub və 6 məhsuldar ötürmə edib. Artur “Zenit”lə Premyer Liqa, Rusiya Kuboku və Rusiya Superkubokunun qalibi olub.
