1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Mövsümün sonunda "Qalatasaray" klubu ilə müqaviləsi başa çatacaq uruqvaylı qolkiper karyerasını ölkəsində davam etdirmək istəsə də, Türkiyədən ayrılmaqla bağlı tam qərarını vermədiyini bildirib.
Oxu.Az "SporX"ə istinadən xəbər verir ki, Fernando Muslera açıqlamasında onunla maraqlanan klubların da adını açıqlayıb.
"14 ildir "Qalatasaray"ın şərəfini qoruyuram. Burada nə az, nə də çox 429 oyunda meydana çıxmışam Buradan ayrılmaq mən və ailəm üçün sancılı proses olacaq. Uruqvaydan təkliflərim var. "Nasional" və "Penarol" klublarından gələn təkliflər məni çox həyəcanlandırır, amma "Qalatasaray"dan ayrılmaq da çətin gəlir. Bu klubu və azarkeşləri sevirəm. Daha öncə mənə qarşı hörmətsizlik olunsa da, bu, futbolun acı tərəfidir və bunu qəbul etmək lazımdır. Mövsüm sonunda müqavilə müddətini uzatmaq barədə tam qərarımı verməmişəm. Amma ölkəmə qayıtmaq fikrindən də daşınmaq istəmirəm. Çünki xəyallarım və planlarım var", - deyə F.Muslera bildirib.
Qeyd edək ki, Fernando Muslera 2013-cü ildən "Qalatasaray"ın şərəfini qoruyur.
