Edmund Hillary və Tenzing Norgay ilk dəfə 1953-cü ildə Everestin zirvəsinə çatandan bəri dünyanın ən yüksək zirvəsini fəth etmək yer üzündəki demək olar ki, hər bir alpinistin əsas məqsədi olub.
Lakin elm adamları indi Everestin hündürlüyündən 100 dəfə yüksək olan iki gizli dağın olduğunu deyirlər.
“Cebheinfo.az” bu barədə “Daily Mail”-ə istinadən xəbər verir.
Everest 8800 metr hündürlüyündədir, gizli dağların hündürlüyü isə 1000 kilometrdir. Amma alpinistlər bu zirvələrə qalxa bilməyəcəklər, çünki bu dağlar planetin səthinin altında təxminən 2000 kilometr dərinlikdə gizləniblər.
Tədqiqatın aparıcı müəllifi doktor Arven Deusun sözlərinə görə, o və komandası dağların ən azı yarım milyard yaşında olduğunu hesablayıb. Bununla belə, alimlər istisna etmirlər ki, gizli dağlar əslində planetimizin yarandığı vaxta - yəni təxminən dörd milyard il əvvələ aid ola bilər.
İki nəhəng dağ Afrika və Sakit Okeanın altında, Yerin nüvəsi ilə mantiya arasındakı sərhəddə - yer qabığının altındakı yarıbərk bölgədə yerləşir. Doktor Deuss qeyd edir ki, heç kim onların nə olduğunu, müvəqqəti olub-olmadığını və ya milyonlarla, hətta milyardlarla ildir mövcud olub-olmadığını bilmir.
Nəhəng zirvələr əvvəllər subduksiya kimi tanınan proses zamanı planetin səthindən yuxarı itələnmiş batmış tektonik plitələrdən ibarət “qəbiristanlıq” ilə əhatə olunub. İndi isə alimlər aşkar ediblər ki, gizli dağlar ətrafdakı yer qabığının plitələrindən qat-qat isti və onlardan milyonlarla il yaşlıdır.
