29 yanvar 2025-ci il tarixində saat 11:00-da Bakı Hərrac Mərkəzində Əmanətlərin Sığortalanması Fondunun ləğvetməsində olan bankların əmlakları hərraca çıxarılacaq.
Ləğv prosesində olan bankların əmlakları hərraca çıxarılır - QİYMƏTLƏR
FED.az xəbər verir ki, "Bank Standard" KB, "AGBank" ASC və "Qafqaz İnkişaf Bank" ASC-nin balansındakı daşınmaz əmlaklar açıq hərraca çıxarılacaq.
İlk olaraq, Zaqatala şəhərindəki "Bank Standard" KB-nin balansında olan daşınmaz əmlak satışa çıxarılacaq. Bu daşınmaz əmlak Zaqatala şəhəri, Dədə Qorqud küçəsi 9 ünvanında yerləşən, 0.06 ha torpaq sahəsindəki 678.5 kv.m ümumi sahəyə sahib qeyri-yaşayış binasından ibarətdir. Əmlakın ilkin satış qiyməti 485,000 manatdır.
"AGBank" ASC-nin Bakı şəhərindəki Nizami rayonu, Qara Qarayev prospekti, ev 106 ünvanında yerləşən 320 kv.m ümumi sahədən ibarət qeyri-yaşayış sahəsi satışa çıxarılacaq. Bu əmlakın ilkin satış qiyməti isə 300,000 manatdır.
Son olaraq, "Qafqaz İnkişaf Bank" ASC-nin Binəqədi rayonunda yerləşən daşınmaz əmlakı satışa çıxarılacaq. Bu əmlak Bakı şəhəri, Binəqədi rayonu, Əcəmi Naxçıvani küçəsi, 147A ünvanında yerləşən 1182.90 kv.m ümumi sahəyə sahib qeyri-yaşayış sahəsidir. Əmlakın ilkin satış qiyməti 2,500,000 manatdır.
Satış qiymətinin 5%-i həcmində beh hərrac təşkilatına ödənilməlidir. Alış qiyməti 7 təqvim günü ərzində sifarişçinin hesabına ödənilməlidir.
Açıq hərracda iştirak etmək üçün lazımi sənədlər: F/Ş şəxsiyyət vəsiqəsi, H/Ş təsis sənədləri.
Ünvan: Bakı şəh, Səbail ray, Badamdar qəsəbəsi, Badamdar şössesi 27. (“AVİS” aptekin arxası). Tel: 055-206-66-67
