Ölkənin Qərb regionunda bələdiyyə seçkiləri üzrə səsvermədə yüksək fəallıq müşahidə olunur.
"Report"un yerli bürosunun məlumatına görə, bələdiyyə seçkiləri üzrə saat 08:00-da başlayan səsvermə Qərb bölgəsində də seçici fəallığı şəraitində keçir.
Belə ki, 38 saylı Gəncə birinci seçki dairəsində 38, 39 saylı Gəncə ikinci dairəsində 36, 40 saylı Gəncə üçüncü seçki dairəsində 38 və 41 saylı Gəncə-Samux-Goranboy seçki dairəsində 45 məntəqədə səsvermə davam edir.
Həmçinin 96 saylı Goranboy-Naftalan seçki dairəsində 63, 100 saylı Göygöl-Daşkəsən-Kəlbəcər seçki dairəsində 98, 101 saylı Samux-Şəmkir seçki dairəsində 58, 102 saylı Şəmkir şəhər seçki dairəsində 52, 103 saylı Şəmkir kənd seçki dairəsində isə 52 məntəqədə seçicilər səs verirlər.
Bölgədə seçici fəallığı müşahidə olunan 104 saylı Gədəbəy seçki dairəsində 53, 105 saylı Tovuz-Gədəbəy seçki dairəsində 53, 106 saylı Tovuz seçki dairəsində 41, 107 saylı Tovuz-Qazax-Ağstafa seçki dairəsində 55, 108 saylı Ağstafa seçki dairəsində 47 və 109 saylı Qazax seçki dairəsi üzrə 39 məntəqədə səsvermə keçirilir.
Gəncə şəhərində yerləşən 123 saylı Kəlbəcər seçki dairəsində isə seçicilər 65 məntəqədə səs verirlər.
Məlumata görə, Gəncə birinci, ikinci və üçüncü seçki dairəsində 84, Gəncə-Samux-Goranboy seçki dairəsində 145 namizəd qeydə alınıb.
Goranboy-Naftalan seçki dairəsində 289, Göygöl-Daşkəsən-Kəlbəcər seçki dairəsində 243, Samux-Şəmkir seçki dairəsində 252, Şəmkir seçki dairəsində 133, Şəmkir kənd seçki dairəsində 158, Gədəbəy seçki dairəsində 195, Tovuz-Gədəbəy seçki dairəsində 179, Tovuz seçki dairəsində 174, Tovuz-Qazax-Ağstafa seçki dairəsində 246, Ağstafa seçki dairəsində 239, Qazax seçki dairəsində 184 namizəd mübarizə aparır.
Qeyd edək ki, səsvermə saat 19:00-a qədər davam edəcək.
Seçkilər ölkə ərazisindəki 118 seçki dairəsini əhatə edən 5 min 846 məntəqədə keçirilir. 685 bələdiyyənin 8 min 71 üzvü üçün 16 min 92 namizəd mübarizə aparır.
Mərkəzi Seçki Komissiyasının (MSK) məlumatına əsasən, bələdiyyə seçkilərində səsvermə hüququ olan 5 milyon 961 min 987 seçici var.
