"Yaxşı nəticə ilə qayıtmaq haqqında düşünürük".
İdman.biz xəbər verir ki, bunu Yunanıstana yola düşməzdən öncə "Qarabağ"ın baş məşqçisi Qurban Qurbanov "CBC Sport" telekanalına deyib.
O, Çempionlar Liqasında “Olimpiakos”la oyun öncəsi fikirləri açıqlayıb. Qurbanov bildirib ki, komandası yaxşı nəticə üçün nə lazımdırsa, edəcək: "Vaxtımız az olsa da, oyuna pis hazırlaşmamışıq. Həm Avroliqa, həm çempionatdakı iki məğlubiyyətdən sonra "Olimpiakos"la qarşılaşmaya hazırlaşmaq asan olmadı. Bu oyunun bizim üçün bir mahiyyəti olmasa da, bilirik ki, azarkeşlərimiz matçı səbirsizliklə gözləyəcəklər. Çalışacağıq ki, son oyunda var gücümüzlə ən yaxşısını edək. Çünki azarkeşlərimiz bizdən həm yaxşı oyun, həm də yaxşı nəticə gözləyirlər".
Qeyd edək ki, Avropa Liqasının Liqa mərhələsinin VIII turunda keçiriləcək "Olimpiakos" - "Qarabağ" oyunu yanvarın 30-da, Bakı vaxtı ilə saat 00:00-da start götürəcək.
İdman.biz
