Vaşinqton yaxınlığında qəzaya uğrayan “American Airlines” sərnişin təyyarəsində Rusiyanın fiqurlu konkisürmə məktəbinin nümayəndələri olub.
“Report” xəbər verir ki, bu barədə Rusiya KİV-i məlumat yayıb.
Onların arasında fiqurlu konkisürmə üzrə dünya çempionları Yevgeniya Şişkova və Maksim Naumov da olub.
Qeyd edək ki, Vaşinqtonun mərkəzindən 10-15 dəqiqəlik məsafədə, Ronald Reyqan hava limanı yaxınlığında səmada sərnişin təyyarəsi ABŞ ordusuna məxsus helikopterlə toqquşub.
Kanzas ştatının Viçita şəhərindən uçuş həyata keçirən təyyarənin göyərtəsində 60 sərnişin və 4 ekipaj üzvü olub. Qəzadan sonra təyyarə Potomak çayına düşüb. İlkin məlumatlara görə, hadisə nəticəsində 19 nəfərin meyidi aşkar olunub.
