Qəzaya düşən təyyarədə rusiyalı dünya çempionları da olub

Bu barədə TASSməlumat yayıb. Nəşr mənbələrinə istinad edib.

"Qəzaya düşən təyyarənin göyərtəsində məşqçilərimiz Yevgeniya Şişkova və Vadim Naumov olub", - agentliyin mənbəsi bildirib.

Rusiya: "ABŞ rəsmilərində sərnişinlərin durumu barədə məlumat yoxdur"

Qeyd edək ki, 52 yaşlı Şişkova və 55 yaşlı Naumov 1994-cü il Dünya Çempionatının qalibləridir. Onlar həmçinin cütlüklərlə konkisürmə üzrə Dünya Çempionatının gümüş və bürünc mükafatçıları olublar.

Xatırladaq ki, Vaşinqtonda gecə uçuş-enmə zolağına yaxınlaşan sərnişin təyyarəsi “Black Hawk” helikopteri ilə toqquşub.

Qəzadan sonra təyyarə hava limanının yaxınlığında olan Potomak çayına düşüb. Məlumata əsasən, qəzaya uğrayan təyyarə Kanzas ştatının Viçita şəhərindən uçuş həyata keçirib. Reyqan hava limanında bütün uçuşlar və enişlər dayandırılıb. Vaşinqton polisinin bildirdiyinə görə, hadisə yerində axtarış-xilasetmə əməliyyatı aparılır.

“American Airlines” Reyqan hava limanı yaxınlığında qəzaya uğrayan təyyarənin göyərtəsində 60 sərnişin və 4 ekipaj üzvünün olduğunu açıqlayıb.
Xarici KİV artıq çaydan 19 cəsədin çıxarılmasını yazıb.
Tural Tağıyev
AzVision.az