İngiltərəli mütəxəssis Stiven Cerrard Səudiyyə Ərəbistanının "Əl-İttifaq" klubunun baş məşqçisi postunu tərk edib.
Teleqraf.com xəbər verir ki, bu barədə klubun mətbuat xidməti məlumat yayıb.
"Əl-İttifaq" Cerrardın müqaviləsinə qarşılıqlı razılıq əsasında xitam verib. 44 yaşlı britaniyalı 2023-cü ilin yayından Səudiyyə Ərəbistanı klubunda idi.
Stiven Cerrard daha əvvəl "Aston Villa" və "Reyncer" klublarında da baş məşqçi olub.
Qeyd edək ki, "Əl-İttifaq" 17 turdan sonra 19 xalla Səudiyyə Ərəbistanı Pro Liqasının turnir cədvəlində 12-ci pillədə qərarlaşıb.
Müəllif: Royal Həsənov
