"Barselona" klubu La Liqanın XXVII turu çərçivəsində martın 27-n təyin olunan "Osasuna" ilə görüşə çıxmaq istəmir.
Offsideplus.az xəbər verir ki, buna səbəb həmin tarixdə katalonların heyətlə bağlı problem yaşaya biləcəyi ilə bağlıdır. Belə ki, FIFA-nın təqviminə əsasən, rəsmi və beynəlxalq oyunlar keçirmək üçün milli komandaların düşərgələrinə yollanan futbolçular martın 27-dək "Barselona"ya qayıda bilməyəcəklər.
Bu səbəbdən Kataloniya klubunun rəhbərliyi La Liqadan İspaniya Futbol Federasiyasına şikayət ünvanlayacaq.
Qeyd edək ki, "Barselona" - "Osasuna" matçı martın 8-də keçirilməli idi. Lakin meydan sahiblərinin 40 yaşlı həkimi Karles Minaryo Qarsiyanın qəfil ölümü görüşün təxirə salınması ilə nəticələnib.
