Kareliya sakini sevgilisi ilə mübahisə etdikdən sonra cinayət işində təqsirləndirilən şəxs olub.
Publika.az xəbər verir ki, bu barədə Rusiya Daxili İşlər Nazirliyi məlumat yayıb .
Zərərçəkmiş sevgilisi ilə dava edib və söz-söhbət zamanı kişi televizorun pultunu onun üstünə atıb. Cihaz qızın taxdığı eynəyə dəyib və şüşə qırıntıları onun gözünü zədələyib və tibbi yardıma ehtiyac olub. Xəstəxanada xəsarətlər sağlamlığa orta dərəcəli zərər kimi qiymətləndirilir.
Hadisə ilə bağlı cinayət işi açılıb, təqsirləndirilən şəxs günahını etiraf edib və əməlindən peşman olub. Onu 3 ilədək həbs cəzası gözləyə bilər.
