Bakı, 2 aprel, AZƏRTAC
Cənubi Koreya tarixində baş verən meşə yanğınları nəticəsində ölənlərin sayı 31 nəfərə çatıb.
AZƏRTAC Yonhap agentliyinə istinadla xəbər verir ki, Koreya Respublikası Daxili İşlər Nazirliyinin məlumatına görə, daha 8 nəfər ağır, 36 nəfər isə yüngül xəsarət alıb.
Meşə yanğınları, həmçinin 4 mindən çox evə, 2 minə yaxın kənd təsərrüfatı və heyvandarlıq obyektinə, 7 məbədə və digər 986 tikiliyə zərər vurub.
Ölkənin 11 rayonunda təqribən 48 min hektar meşə sahəsinin yandığı, nəticədə 3307 nəfərin evlərini tərk etmək məcburiyyətində qaldığı bildirilir.
