Qış təlim-məşq toplanışlarını davam etdirən “Şamaxı” və “Zirə” komandaları bu gün yoxlama matçında qüvvələrini sınayıblar.
Arena.az xəbər verir ki, bölgə təmsilçisi paytaxt komandası ilə Zirə Olimpiya İdman Kompleksinin stadionunda qarşılaşıb.
Məhsuldar keçən oyun “Zirə”nin 3:1 hesablı qələbəsi ilə başa çatıb. “Şamaxı”nın heyətində 3-cü dəqiqədə Rafael Məhərrəmli fərqlənib. Meydan sahiblərinin qollarını isə Elçin Əlicanov, Eldar Quliyev və Ceyhun Nuriyev vurublar.
Qeyd edək ki, paytaxt təmsilçisi yanvarın 12-də “Qarabağ”la da yoxlama oyunu keçirəcək. “Şamaxı” isə eyni gündə “Sabah”la üz-üzə gələcək.
Hazırda Azərbaycan Premyer Liqasının turnir cədvəlində “Zirə” 30 xalla 4-cü, “Şamaxı” isə 17 xalla 7-cidir.
Yoxlama oyunu
9 yanvar
Zirə – Şamaxı 3:1
Qollar: Elçin Əlicanov, 54. Eldar Quliyev, 64. Ceyhun Nuriyev, 89 – Rafael Məhərrəmli, 3.
Zirə Olimpiya İdman Kompleksi.
