1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Barselona" "Mançester Yunayted"in vingeri Markus Raşfordu transfer etmək üçün bir sıra Avropa klubları ilə rəqabət aparmağa hazırlaşır.
Oxu.Az xəbər verir ki, bu barədə "Championat" məlumat verib.
Qeyd olunur ki, Kataloniya klubu ingilis futbolçunun transferini təmin etmək üçün mümkün olan hər şeyi edir. "Barselona" Raşfordu cari mövsümün sonuna qədər icarəyə götürmək niyyətindədir.
Raşfordun agenti və klub arasında ilkin görüş baş tutub. Oyunçu özü də "Barselona"ya transfer olunmasına müsbət baxır.
Raşfordun xalis maaşı 10 milyon avrodur. Futbolçu "Barselona"ya keçmək müqabilində mövsümün qalan yarısı üçün 5 milyon avronun 2 milyonundan imtina etməyə hazırdır.
