İsrailin qırğınlarını davam etdirdiyi Qəzzada ölənlərin sayı 46 min 584-ə yüksəlib.
AZXEBER.COM xarici mətbuata istinadən xəbər verir ki, bu barədə Fələstin Səhiyyə Nazirliyi məlumat yayıb.
Açıqlamada, İsrail ordusunun Qəzza zolağının müxtəlif bölgələrində son 24 saatda həyata keçirdiyi iki qırğında 19 nəfərin həyatını itirdiyi, 71 nəfərin isə yaralandığı bildirilib.
İsrailin 7 oktyabr 2023-cü ildən Qəzza zolağına təşkil etdiyi hücumlarda ölənlərin sayının 46 584 nəfərə, yaralı sayının isə 109 731 nəfərə yüksəldiyi qeyd edilib.
Açıqlamada həmçinin dağıntılar altında və yol kənarında hələ də cəsədlərin olduğu, lakin İsrail qüvvələrinin yaratdığı maneələr səbəbilə tibb qruplarının və mülki müdafiə işçilərinin cəsədlərə çata bilmədiyi bir daha vurğulanıb.
Oksana
