Qonşu ölkələrlə problemləri həll etmək üçün İrəvan qeyri-regional oyunçulardan dəstək istəməkdənsə, eyni ölkələrlə qarşılıqlı əlaqə qurmalıdır - Sergey Lavrov
***
Rusiyanın xarici işlər naziri Sergey Lavrov ötən ilin yekunlarına dair mətbuat konfransında Ermənistanın qonşu dövlətlərlə münasibətlərinin normallaşdırılması üçüncü tərəf iştirakçıları cəlb etmədən onlarla qarşılıqlı əlaqə yolu ilə həyata keçirilməli olduğunu vurğulayıb.
Onun sözlərinə görə, bu, Moskvanın fundamental mövqeyidir və gec-tez o, mütləq həyata keçiriləcək.
“Region ölkələri problemlərini yaxın qonşuları ilə həll etməlidir”- Lavrov bəyan edib.
Diplomat İrəvanın Qərb ölkələri və Aİ ilə təmaslarında heç bir problem görmədiyinə diqqət çəkib.
Bununla belə, nazir qeyd edib ki, Aİ missiyasının Ermənistanın Sünik bölgəsində təhlükəsizliyi təmin edə biləcəyi ilə bağlı bəyanatlar ən azı qəribə görünür, xüsusilə coğrafi baxımdan uzaq, regionun ənənələri ilə tanış olmayan və tarixi yalnız müstəmləkə işığında qəbul edən ölkələrdən gələndə.
JASMİN
