TikTok bazar günü, 19 yanvar tarixində ABŞ-da tətbiqinin bağlanmasına hazırlaşır, bu qadağanın həmin gün qüvvəyə minəcəyi gözlənilir, – The Information portalı məlumat verib.
Bu qadağanı irəli sürən qanun ABŞ prezidenti Co Bayden tərəfindən ötən il imzalanıb. TikTok-un bloklanmadan yayınması üçün platformanın idarəçiliyini göstərilən tarixə qədər ABŞ şirkətinə təhvil verməsi tələb olunur. Lakin TikTok sahibləri bu tələbi yerinə yetirməyə hazır deyillər.
Qeyd etmək lazımdır ki, artıq 20 yanvar tarixində Oval Kabinetə ABŞ-ın yeni prezidenti Donald Tramp keçəcək. Vəziyyət dəyişə bilər, çünki Tramp əvvəl qadağanın təxirə salınmasının tərəfdarı olub və məsələni şəxsən həll etmək istəyib. Öz əvvəlki prezidentliyi dövründə Tramp TikTok-u qadağan etməyə çalışsa da, indi mövqeyini dəyişib. O, bildirib ki, platforma gənclərlə ünsiyyət üçün vacib rol oynayır və ölkə üçün faydalı ola bilər.
visiontv.az
