Sankt-Peterburq Qanunvericilik Məclisinin 6-cı çağırış deputatı Mixail Poqorelovun bağ evindən onlarla butulka elit ətir, "Cartier" üzüyü və "Hermes" qalstuku oğurlanıb.
Qaziler.az bildirir ki, bu barədə yanvarın 15-də “İzvestiya”ya mənbə bildirib.
Mənbənin sözlərinə görə, oğrular kosmetika və kulon, sırğa və üzükdən ibarət brilyant zinət əşyaları dəstini də götürüblər.
Bundan əvvəl Rusiya Daxili İşlər Nazirliyi məlumat vermişdi ki, yanvarın 6-dan 10-a kimi naməlum şəxs Leninqrad vilayətinin Kuyalovo kəndində fərdi evə daxil olaraq 4,5 milyon rubl, qızıl-zinət və şəxsi əşyaları oğurlayıb.
Ümumi ziyan 10 milyon rubldan çox qiymətləndirilir. Faktla bağlı cinayət işi açılıb.
Poqorelov özü də “İzvestiya”ya oğurluq faktını təsdiqləyib. O, bildirib ki, oğurluq zamanı orada olmayıb və oğurluq hadisəsini qohumları aşkarlayıb.
QAZİLER.AZ
