SKMF bu ilin büdcəsinin 3,7%-i mənimsəyib

Sahibkarlığa Kömək Milli Fondu Ağcabədi və ətraf rayonlarda işləyən sahibkarlara güzəştli kreditlər verib. 

Fonddan verilən məlumata görə, müvəkkil kredit təşkilatları vasitəsilə 43 sahibkarlıq subyektinə 1 mln manat güzəştli kredit vəsaiti verilib. Bu kreditlər hesabına 80-ə yaxın yeni iş yeri yaradılacaq.

 Bu ilin əvvəlindən 110 investisiya layihəsinin maliyyələşməsinə 11,1 mln manat ayrılıb. 

Beləliklə, Fond 2013-cü ilin büdcəsinin 3,7%-dən istifadə edib.  

SKMF 1992-ci ildə yaradılıb. 2002-ci ildən fəal şəkildə kredit verməyə başlayıb. Kreditlər 38 müvəkkil bank və qeyri-bank kredit təşkilatı vasitəsilə verilir. 2012-ci ildə Fond 2400 layihəyə 218 mln manat güzəştli kreditlər verib. 2013-cü ildə SKMF xətti ilə sahibkarlığın güzəştli kreditləşməsinin həcmi 300 mln manata çatacaq. Bunun yarısı büdcə vəsaiti olacaq. --15D--

 

• IÅŸ Yeri Yaradılması
• AÄŸcabÉ™di
• Investisiya LayihÉ™lÉ™ri
• Güzəştli KreditlÉ™r
• Sahibkarlığa KömÉ™k Milli Fondu