İngiltərənin “Mançester Siti” klubunun cinah müdafiəçisi Kayl Uolkerin İspaniya təmsilçisi “Real”a keçmək ehtimalı var.
Msport.az xəbər verir ki, bu barədə “Diario Sport” nəşri məlumat yayıb.
Madridlilər Uolkeri mövsümün sonuna kimi icarəyə götürmək istəyir. “Real” 34 yaşlı futbolçu üçün İngiltərə klubuna rəsmi təklif göndərəcək.
Qeyd edək ki, “Mançester Siti” Kayl Uolkeri 2017-ci ilin iyul ayında “Tottenhem”dən transfer edib. İngiltərə millisinin üzvü olan müdafiəçi bu mövsüm “şəhərlilər”in heyətində 18 rəsmi matçda meydana çıxıb. Təcrübəli oyunçunun Premyer Liqa klubu ilə müqaviləsi gələn ilin iyun ayında başa çatır.
