Transfer çalışmalarını davam etdirən “Kəpəz” daha bir futbolçu ilə anlaşmaq üzrədi.
Klubdan İdmanxeber.az-a bildirilib ki, Gəncə təmsilçisi İtaliyanın “Breşiya” klubunda çıxış edən Trent Buhaqyarı heyətinə qatmağa yaxındı. Tərəflər arasında ilkin danışıqlar müsbət yekunlaşmasa da, daha sonra proses “sarı göylər”in istədiyi kimi gedib.
Malta millisinin də şərəfini qoruyan vinger müxtəlif illərdə Avstraliyanın “Sentral Kost Mariners”, “Sidney” və “Nyukasl Yunayted Cets” kimi komandalarında çıxış edib.
Qeyd edək ki, 27 yaşlı futbolçu son klubu olan “Breşiya”da cəmi iki matçda meydana çıxıb.
