Həkim müayinəsi üçün xəstəxanaya gedən şəxs itlərin hücumuna məruz qalıb.
Xezerxeber.az-ın məlumatına görə, itlərdən qaçmağa çalışarkən yıxılaraq xəsarətlər alan Gəncə şəhər sakini 78 yaşlı Nurəddin Abbasov xəstəxanaya yerləşdirilib.
Zülfüqar Məmmədov adına xəstəxanada ilkin tibbi yardım zamanı Nurəddin Abbasovun bud sümyünün sındığı müəyyən olunub. Daha sonra o, Abbas Səhhət adına xəstəxanaya köçürülüb.
Qeyd edək ki, Gəncə sakinləri müntəzəm olaraq məhəllələr, parklar və küçələrdə sahibsiz itlərin gəzməsi ilə bağlı şikayət edirlər.
Xezerxeber.az mövzu ilə bağlı daha ətraflı videomaterialı təqdim edir.
