Ərzaq Təhlükəsizliyi üzrə İslam Təşkilatının (IOFS) təşəbbüsü çərçivəsində Tacikistan Respublikası Qazaxıstan, Azərbaycan və Banqladeşlə birliklə Qəzza zolağının sakinlərinə kömək üçün 200 ton yüksək keyfiyyətli buğda unu göndərib.
Hafta.az-ın yazdığına görə, humanitar yardım İordaniya Humanitar Təşkilatı (JHCO) ilə birgə təşkil olunur və kəskin ərzaq qıtlığının aradan qaldırılmasına yönəlib.
Humanitar konvoyun 2 gün ərzində Kerem Şalom/Karam Abu Salem sərhəd keçid məntəqəsinə çatması gözlənilir.
Yardım BMT-nin Ümumdünya Ərzaq Proqramı (ÜƏP) və BMT-nin digər qurumlarının dəstəyi ilə bölüşdürüləcək. Humanitar yük kəskin ərzaq çatışmazlığı yaşayan 8 min ailə üçün nəzərdə tutulub.
Tacikistanın Xarici İşlər Nazirliyi xatırladır ki, təşəbbüs Qəzzada aclıq təhlükəsi ilə mübarizə aparmaq üçün IOPB tərəfindən 2024-cü ilin əvvəlində başlamış “Bəşəriyyət üçün un” proqramının bir hissəsidir.
