Estoniya parlamentinin bəyanatı gürcü xalqının iradəsinə hörmətsizliyi göstərir.
“Report”un yerli bürosu xəbər verir ki, bunu Gürcüstanın Baş naziri İrakli Kobaxidze brifinqdə bildirib.
Onun sözlərinə görə, ABŞ-də təzyiq altında olan "dərin dövlət" Avropada daha da fəallaşır və Baltikyanı ölkələrdəki təsiri xüsusilə güclüdür:
"Bu, Estoniyada da özünü göstərir. Bu cür bəyanatlar qəbuledilməzdir. Biz Estoniya ilə birtərəfli dostluq münasibətlərini saxlayırıq. Bu bizim tarixən formalaşmış dostluğumuza əsaslanır. Amma belə bəyanatlar gürcü xalqının iradəsinə hörmətsizlikdir və açıq şəkildə anti-Gürcüstan bəyanatıdır".
